前幾日既事都算叫做解決左!!
終於可以放下心頭大石
又到要面對另一件事!
我尼排成日都唔舒服...唔夠訓又暈...
企得耐又暈...總之尼排好易暈....
醫生都叫我多d休息...同埋保持動作緩慢d,
但其實我真係唔想攪到自己好似個"亞婆"咁,
份工又返下唔返下....不過我都唔想存...真係冇計!!
就係因為咁...問題來啦....公司梗係"詐型"啦...
我都明既....俾著我係公司...我都會唔高興...
但老實講呀....我會咁放肆...有少少都係佢地迫我架!!!
唉....說來話長呀!!!
0係我未有"肚腩"之前...我對份工真係好著緊...
我好想0係最短既時間升職加薪....
所以我晚晚OT到好夜....飯都唔食
乜野都幫佢做...由搵野...拎辦...寄辦....
連俾客既EMAIL我都幫佢寫埋....
當時佢對我好好....佢好怕我會走...
所以得閒就應承我尼樣應承我果樣....
咁佢係我上司...我梗係信佢會幫我爭取啦...
所以我更加落力幫佢手....
點知有左"肚腩"之後我就好唔舒服....
淨係入醫院都入左幾次....加埋病假....
經常大半個月返唔到工....因此佢就好唔高興...
我同佢講....可能初初未穩定先係咁...
遲D冇事我會俾心機做野架啦....
點知佢襯我入左醫院....佢又請假...
咁我地既野就冇人跟...結果攪到"一鍋泡"...
點知佢竟然同老細講話係我既問題....
因為佢已經交代左我做...係我冇做..所以先攪成咁...
我知道左好嬲...但佢仲要0係我面前扮好人...好...我忍....
過左半個月唔夠..公司搬OFFICE加上又分BOUNS...
但我已經一早PACK好自己既物件...
因為我諗住自己已經幫唔到人...無謂仲要人地幫我.....
點知佢竟然自己野一D都唔PACK...走左去大陸...
話搵新廠....一年流流長你唔去....公司最忙你就閃人...
仲要打IDD返來叫我幫佢PACK野....咁既人都....
竟然叫個大肚婆幫你PACK野...得架啦....!!!
我盡量啦....不過老實講....都幫唔到幾多!!!
搬定左之後...點知我又入左醫院....
咁岩又分BOUNS...我諗住唔會多...但少少應該都有既...
話晒過去既時間我都幫佢唔少...而且都只不過係有左兩個幾月...
出左院去打簿...點知糧又冇出...BOUNS更加唔使講啦....
於是我打電話問ADMIN....佢竟然話..."你冇返...我點知你仲做唔做呀"!!
嘩....嬲得我呀....明明打電話同你地講左入醫院....
而家竟然咁講野....我同我上司講....
佢竟然冇幫我講過一句話....仲扮到咩野都唔知咁....
好....你今日咁對我....來緊既日子我都會咁對你!!!
結果只係出左份人工...仲要俾佢扣左我咩請多左既病假...
算數....我唔係等你D錢開飯...盡扣啦....
結果得返我自己半個月既使費都冇!!
之後...我同自己講....佢最好炒左我...
如果唔係...我都唔會好似以前咁做野!!
到而家佢地都冇炒我...只係好唔高興....
但佢地應該諗下點解果時要咁對我呀!!!
我預左到我攪掂完尼單野...我就會搵過另一份工...
到時再重頭來過....因為其實我唔係一個怕做野既人...
冇野做反而令我覺得好唔自在....
而家就算我返工...佢亦唔會俾D重要野我做....
反而請左4個人返來分左我以前一個人做既野...
仲好...我咩野都唔使做...不過佢成日要我搵新產品...
佢真係諗得開心啦....我唔會幫佢架...
因為我搵完...佢就拎去老細度邀功....
真係虧佢做得出....而家就算返工都係上下網....
有時直頭唔返....免得大家面阻阻!!
可能大家睇完會覺得我做到好絕....
但唔好忘記...我係俾我上司出賣!!!
我搏命幫佢...有功就佢邀...有鍋就我背!!
佢就有大大份BOUNS...我就俾人扣人工!!!!
我知大家都好無奈....但得一個方法------> "忍"
....因為知道佢安然無恙....就咩野都值得!!
