各位關心我近況既朋友...
我已經0係22/11/2005早上順利生左個BB女啦...
係順產呀...只不過係痛左八個鐘...
都算快啦...我好開心見到BB...
希望BB身體健康...快高長大...聽教聽話!!!
Winnie Chan | 17th Nov 2005, 21:25 PM |
一般 | (155 Reads)
今日去左健康院檢查,
磅下先知原來自己輕左成KG,
D姑娘好緊張咁問尼問路,
又要我見醫生,但都唔知點解,
淨係叫我放鬆D,唔使擔心!
結果攪左成兩個幾鐘先俾走.
佢地梗係唔知發生咩事啦,
以為我擔心生BB所以體重下降,
其實係我心情唔好影響食慾,
同埋尼幾日都急住周圍買BB用品,
又要擔心到時自己會開刀定順產,
又唔知到時出左院自己又點樣!!
真係千百樣野要攪同擔心!!
身邊既人個個都叫我放開D,
但始終果個唔係自己,
外人係冇辦法會明白同體會我既感受!
但點都好...多謝每一個關心我既人!!!
Winnie Chan | 16th Nov 2005, 17:48 PM |
一般 | (134 Reads)
我盡量同自己講...大方D啦!!
我知佢都唔想打擾我地, 但真係好難...
因為真係分別好大!!
首先係我要改變地方坐月,
原本我已經將所有用品拎左過媽咪屋企,
而家又要拎返自己屋企,
最煩就係本身媽咪果邊有BB床,
而家我自己屋企係冇...
媽咪果邊果張又大過頭,
放唔落間房,我唔忍心要BB訓廳,
結果就要另外買一張放得入房既床仔,
況且人地個BB都需要用啦,
如果佢見我拎走左,俾著我都會唔開心啦!
跟住就係日用品..
BB有好多好零碎既日用品,
原本冇打算會0係我屋企住,
跟本冇計劃同預留位置擺放果D野,
而且本身我間屋好"迷你",
所以好頭痛,結果就買左D膠櫃桶頂住先!
最晒錢係因為有D野本身家姐係留左俾我BB用,
但如果我拎左返來我屋企用,
咁佢個BB出世埋冇得用,我都唔好意思拎啦,
結果埋就係我重新買過囉!!!
錢都係事小呀....
最慘係..我0係自己屋企坐月,
夜晚即係要自己睇住個BB,
我冇覺好訓唔緊要呀...
有經驗人仕同我講..
就連BB爸爸都冇覺好訓...
真係可憐啦...佢第朝仲要返工架...
諗起尼樣心都酸埋...
老公...到時你要頂住呀....
我盡量自己攪掂BB...唔吵醒你,
希望BB乖D...唔好咁吵啦!!
仲有呀...自從佢來左,媽咪掛住陪佢檢查,
已經冇理過我啦,之前仲日日都會打電話俾我,
而家我隨時都生得,佢反而一個電話都冇!!
最起碼都打來問我返唔返屋企食飯呀!!!
老實講...今次我真係對事唔係對人,
因為我不嬲都覺得尼個表妹好乖,
就係因為咁...我成日都責怪自己唔好咁小器...
但原來要大方根本就唔容易!!
就當係我小器啦!!!!!!
