真係好耐冇返來啦....算一算...
成2個月啦...講真呀...我都幾掛住尼度架!!
簡單咁講下我尼2個月發生左d咩事啦...
2月 : 過新年....HAPPY HAPPY
過完年冇耐..我搵左份工...
收入比起之前高...在觀塘...
完本打算長做架啦...
點知返下返下...發覺完來唔係我想要果種...
加班對我來講...係小問題....因為BB唔使我湊...
而且同媽咪住得近...放工先去睇BB都得!
最大問題係做野唔夾...咁就有問題啦!!
結果...我辭左職....!!
另外再搵份...最理想係返5日既...
同月既另一件事就係"物業"..
經過多次商量後...我地都係決定賣左層樓...
原因有幾個...最重要係多左個人...唔夠住...
另一個原因係比起買既時候升左少少...
總之計落唔使蝕就算啦.....
不過賣左之後就好唔捨得...
因為屋入邊幾乎每一樣野都係我既"精心傑作"
我忍唔住喊左出來
3月...大改變...
賣左層樓啦...我地都要搵地方住架...
又未諗到買樓買邊度....
又唔知租邊度好....
結果...我地決定搬返我媽咪度住下先...
等搵都好既地方再決定....
而且又可以同埋BB一齊住...
又可以慳返些少....
算係一舉兩得啦....
不過事實上就會少左D私人空間...
同埋我班雀友又少左一個竇...
18/3/2006 - 搬屋.....
我試過搬過兩次屋...
第一次係98年..我一家人由沙田搬來大埔...
果時人多...雖然多野執...但對我來講唔算辛苦...
尼次...得我地兩個人執野....晚晚執到三更半夜....
真係辛苦到嘔...
到搬果日...真係嚇死我...成貨車...係真唔係呀???
我真係有D擔心...唔知我媽咪屋企有冇位放尼!!???
平日來過我屋企既人...可能覺得我屋企冇乜雜物...
就連我自己都以為好少野....
"一個衣櫃, 一張床, 一張沙發, 一個電腦櫃, 一張餐檯, 一個電視"
但原來拆開左...再加埋D雜物...已經令我地搬到死死下啦!!
好彩有D朋友幫手...如果唔係都唔知點搬...
真係唔該晒你地呀!!!!!
到而家...總算都搬定左...都尚算舒服....
一間房...咩都有...電腦, 電視, 打機, 睇戲...全部都有...
最重要係連BB床都仲放得落....算唔錯架啦...
我同我老公都好滿意...好彩媽咪間屋夠大....
好彩媽咪間屋夠大....而家...我仲搵緊工...搵份返5日既..尼個係我既TARGET
佢都叫我唔使急住返工...慢慢搵...到搵到岩架啦先返...
真係好啦....起碼0係尼一刻我都冇壓力....
佢仲預計下個月同我去旅行...
去完旅行返來先開始做野....
琴晚報左團啦....去北京...5日...好緊張呀!!!
因為我同佢都未去過...希望到時唔好咁涷啦...
咁埋唔使帶成堆衫囉!!!!!
好啦....差唔多交代晒啦....
而家冇野做...得閒些少...
我會盡量多D返來架啦...
