仲記得去完北京返來...

我終於認認真真咁去搵工啦...

21/4晚上七幾...我煮緊飯...

有個女仔打電話俾我..叫我第日見工...

但第日係星期六,我唔得閒, 佢問我咁星期日得唔得...

嘩...嚇死我...星期日都叫我見工...我梗係唔肯啦...

結果約左星期一早上十點.....

我心諗...肯定唔方好野啦...實係忙到九彩....

OT O 到暈果隻...但既然都約左囉...咁埋去見下囉...

十點鐘準時來到...公司名唔岩既???仲拉埋閘?????

頂...偽唔係玩野呀....點解會咁既....

即刻沖落樓...望清楚大廈名...冇錯呀!!!???

搵電話..睇下有冇來電顯示...好彩.....有!!!

即刻打去問下咩事啦...哦...原來岩岩先返到公司!!

咁我埋上返去見囉...開頭...例牌野...

跟住考我覆EMAIL客...OK....見老闆....

即刻請...佢話橫掂都來到囉...叫我即刻返工...

OK啦....橫掂一陣都冇野做...仲冇壓過我人工...

仲話肯定年年加人工...唔使點樣OT既....

咁好呀...做下先囉!!!!

到左而家...都差不多一個月啦...幾好喎...

除左岩岩返工果幾日擺FAIR之外...

其他日子都係準時六點閃人!!!

唔錯呀...同我想既目標差唔多...

唔會忙到七彩...公司又得另一個同事同我...

佢都好NICE....我地都幾夾...

所以應該唔會咁快又轉工........我估...haha.....