琴日帶左GiGi去同一班小朋友玩...
雖然佢又唔識爬...又唔識講野...
但從佢既笑容..我睇得出佢玩得好開心!!
唔知要到幾時先會再有下次啦...
因為大家既Daddy & Mummy都好忙..
要就到大家都得閒..其實都幾難架!!
希望唔好咁耐啦
Winnie Chan | 31st Jul 2006, 09:59 AM |
百厭星 - GiGi | (123 Reads)
Winnie Chan | 28th Jul 2006, 16:26 PM |
百厭星 - GiGi | (98 Reads)
前幾日見到GiGi神情呆滯...
真係唔開心...同佢玩咩都冇咩反應...
好彩...而家生猛返啦!!!
又開始"bababa"...不過...
冇再"mamama"啦...
唔通佢唔記得左我??
Winnie Chan | 24th Jul 2006, 09:50 AM |
百厭星 - GiGi | (129 Reads)
星期六果日帶左GiGi出沙田同嫲嫲飲茶...
準備飲完茶就同朋友個仔一齊玩..影相相..
跟住就帶GiGi去參加Uncle Dull既生日聚會..
點知...GiGi 發燒..102度...個人又冇晒"能量"咁..謝晒!!
佢嫲嫲同爺爺就緊張到即刻幫佢掛號...
仲攪左個笑話...不過一陣先講!!
咁同左GiGi睇完醫生...醫生開左3樽"甜甜"......
結果我地冇去到Dull Dull 生日聚會.....
"阿Dull, 唔好意思呀..下次再食飯呀!!!"
因為返屋企又要幫GiGi沖涼..又要喂奶....
最難最難係要喂"甜甜"..我第一次喂咋...
不過都好...可能佢真係好累..所以連反抗既力都冇乜!!
跟住就老公就落街買飯盒返來一齊食...而我就睇住GiGi...
原本星期日會帶GiGi去同Aunt Ivy同樂樂食飯飯..
跟住一齊去playgroup玩玩...之後再約埋晉晉來我地屋企玩..
點知...全部都要取消...因為未退燒.....有D擔心.....
今朝起身...見到佢仲係好"呆滯"...
好似仲有燒...唉....又擔心...又心痛...
好想請假....但而家公司人少少...
一請假...好覺架.....所以都係返工....
唉....GiGi八個月啦....尼次係第一次病病...好擔心呀!!!
GiGi....媽媽希望你快D好返....咁媽媽可以同你去街街!!!
講返個笑話先 ^_^
話說GiGi爺爺幫GiGi掛號.....咁會問姓名架嘛....
咁佢就同人地講係姓林既......(冇講到名)
跟住就同我地講啦...掛左號啦...
你同佢講姓林既啦.....我梗係答佢"oh"...
但心諗..個孫叫咩名都唔記得....
我地梗係會講姓林架啦....
唔通姓咩呀.....我有少少懷疑佢連GiGi姓咩都唔記得...
佢講姓林...可能佢以為酒樓Book檯食飯...
用住佢自己個姓book左先....真係攪笑!!!
