Winnie Chan | 13th Oct 2006, 17:07 PM |
我 - 唔開心 :-( | (277 Reads)
今日係我同事Last Day!!
老闆唔打算請人, 結果叫左佢個女來返工.
太子女0係我初上班既時候都有來過公司返過幾日工.
後來就返左北京繼續讀佢既音樂.
而家畢業返來香港, 平時有兼職教琴.
所以一個星期有幾日會早少少走, 因為要教琴.
老闆而家就安排將我既工作轉俾佢個女做,
因為我既工作量比起我同事較少, 而且冇咁煩覆.
再講, 大部份既文件都唔急, 可以慢慢做,
所以算係優差!
相反, 我同事既野就好煩, 做既時候一定要好專心, 否則好易出錯.
佢係負責公司主力既個大客, 客既要求又多又煩,
而且所有文件都幾急而且好煩.
所以要好細心, 而且心水要夠清.
但由聽日開始, 我將會開始做我同事既崗位啦!!
另一件事令我深深不忿就係 - "病假"
記得過左試用期既時候, 我問老闆娘,
"公司每個月有幾日有薪病假" , 而佢就答我 "總之有醫生紙就唔扣人工"
點知今個月頭老闆娘突然改口 :
"原來勞工法例係要連續4日以上果d先有4/5人工 , 以後我地就跟返啦!"
我聽完之後勁唔開心...唔係嘛...連一日都冇....好過份啫!!
而家我一個外人...對住佢一家三口, 佢地鍾意點都得啦!!
我以後既日子好難捱...最慘係而家唔走得!!!!
我覺得佢擺到明"洽"我!!!
