今日終於返工啦...自從星期日打完邊爐,
星期一累到唔想返工,
由於唔想浪費食唔晒既野,
跟住夜晚又再打邊爐,
由"胭脂水粉"打到"佛山贊師父"
結果老公同我仲有阿妹三個都捧住個肚
好彩唔係太多手尾執,
事關得"三丁人"打邊爐
總算清左D食物,大功告成!!
但我就出事啦
成晚都訓唔到,個肚唔舒服,想嘔,
一路忍住,到半夜4點終於忍唔住,
嘔到七彩,辛苦到忍唔住要叫醒老公...
我知佢好眼訓,但佢知我好辛苦,
所以一D都冇"詐型",仲幫我抹汗!!
其實我知佢真係好累,所以忍得就忍住先!!
等佢訓著,我再起身去廁所繼續嘔,
一路斷斷續續,到天光...冇訓過...
唔使講梗係返唔到工啦,
琴日辛苦到成個人咩心機都冇晒,
由朝到晚都冇胃口,
好彩老公請左假照顧我!
老公...你幾時都係咁抵錫!!
