文章分類: 我 - 唔開心 :-( (Winnie's World)

/("_") 我想有個家 /("_")

winniechan1217 — Fri, 03 Nov 2006 16:56:04 +0800

我想有個家我想有個家一個不需要華麗的地方在我疲倦的時候我會想到它我想有個家一個不需要多大的地方在我受驚的時候我才不會害怕誰不會想要家可是就有人沒有它臉上流著眼淚只能自己輕輕擦我好羨慕他受傷後可以回家而我只能孤單地孤單地尋找我的家雖然我不曾有溫暖的家但是我一樣漸漸地長大只要心中充滿愛就會被關懷無法埋怨誰一切只能靠自己雖然你有家什麼也不缺為何看不見你露出笑臉永遠都說沒有愛整天不回家相同的年紀不同的心靈讓我擁有一個家

我覺得好累 :-(

winniechan1217 — Tue, 24 Oct 2006 13:37:56 +0800

公司0係會展擺展覽, 所以我一連四日都去左會展做野.. 所以星期六日都冇得放假...今日又返公司接著工作.. 好累...累到想死.......好想放假...但好多野做... 同事又走左..要接手佢既工作.... 太子女又算係一個新手...咩野都唔識... 一邊教佢做野...一邊做自己要做既野... 以前跟開既野而家都係要跟住先....以前同事跟既野又係我跟... 我邊做到咁多野呀!!!! 幾時先可以分返d野俾佢獨立處理呀??? 每日都拖著極累既身軀回到一個不真正屬於我既"屋企".. 感覺好怪....唔係人地對我唔好...係我自己搵唔到歸屬感... 唯一覺得開心既...係見到個女..同埋老公0係我身邊!! 或者係因為我仲未適應啦!! 相信尼種感覺我老公都試過...!! 到底要到幾時..我地先可以搬出這天地??? 到底要到幾時...我地先可以解開尼個結??? 到底要到幾時...我同老公 + GiGi + 未出世既細B 先會有一個真正屬於我地既家?? 我地一家四口都期待緊尼一日!!!!

0係公司既日子好難捱!!

winniechan1217 — Fri, 13 Oct 2006 17:07:03 +0800

今日係我同事Last Day!! 老闆唔打算請人, 結果叫左佢個女來返工. 太子女0係我初上班既時候都有來過公司返過幾日工. 後來就返左北京繼續讀佢既音樂. 而家畢業返來香港, 平時有兼職教琴. 所以一個星期有幾日會早少少走, 因為要教琴. 老闆而家就安排將我既工作轉俾佢個女做, 因為我既工作量比起我同事較少, 而且冇咁煩覆. 再講, 大部份既文件都唔急, 可以慢慢做, 所以算係優差! 相反, 我同事既野就好煩, 做既時候一定要好專心, 否則好易出錯. 佢係負責公司主力既個大客, 客既要求又多又煩, 而且所有文件都幾急而且好煩. 所以要好細心, 而且心水要夠清. 但由聽日開始, 我將會開始做我同事既崗位啦!! 另一件事令我深深不忿就係 - "病假" 記得過左試用期既時候, 我問老闆娘, "公司每個月有幾日有薪病假" , 而佢就答我 "總之有醫生紙就唔扣人工" 點知今個月頭老闆娘突然改口 : "原來勞工法例係要連續4日以上果d先有4/5人工 , 以後我地就跟返啦!" 我聽完之後勁唔開心...唔係嘛...連一日都冇....好過份啫!! 而家我一個外人...對住佢一家三口, 佢地鍾意點都得啦!! 我以後既日子好難捱...最慘係而家唔走得!!!! 我覺得佢擺到明"洽"我!!!

天下烏鴉一樣黑

winniechan1217 — Sun, 10 Sep 2006 09:45:22 +0800

本以為搵左一份唔錯既工,

雖然老闆同老闆娘係慳家同囉嗦,

但初初都仲可以接受, 因為可能我岩岩先入職,

對佢地既了解仲未夠深入, 同埋佢地都未做得太過份!

但最近...老闆娘常常做出令我同我同事覺得反感既事!

1) 佢地兩公婆成日為公司既野意見不合而嘈交...我同我同事做員工既...應該聽邊個講好呀??

2) 明明老闆講好左報幾$俾個客, 轉個頭老闆娘又怪責我地報得平!大佬呀...關我咩事呀!!

3) 明明自己講左返工唔好過9:30...點知佢自己唔知幾點返去裝我地遲到...我岩岩9:30返到..佢都要"哦"...而我同事就遲左5分鐘...佢就"哦"足十幾分鐘...就算人唔到..都打電話check我地...係埋真係要做到咁樣呀..!!??

4) 公司文具嚴重短缺, 就以最平既一樣野 - 萬字夾, 佢都唔肯買...佢答我地要來做咩, 我同事話夾文件俾客囉...佢話用釘書機唔得咩...真係俾佢吹漲...有咩話唔得呀...只係冇咁好囉..!! 一盒萬字夾要幾$呀?? 就算我地平時要筆...都要拎"屍骸"去同佢換一枝新既...真係頂佢唔順..我自己買好過..使幾$呀!!!!

5) 成日以小人之心度人...就算係我地..佢都方死我地會偷佢野咁...好似公司有個卡reader..次次用完都要pack返好落個盒...我覺得好晒時間..所以我就咁插住0係我部電腦就算..點知原來佢每隔幾日就會check下公司d野有冇唔見...當佢發現左個盒入邊冇左個卡reader..就好緊張咁問...個卡reader唔見左既....喂...大佬呀..個卡reader要幾$呀...唔好成日以為我地打工仔乜都買唔起先得架!!!!

6) 一時同我講...而家打返大陸IDD好平...叫我有需要就打...點知而家又話...電話費幾貴你地知唔知呀...所以最好用MSN(語音通話) OR SKYPE(語音通話)...唉...如非必要..我都唔想打IDD啦...使唔使咁呀!!

佢地既野..我真係講都講唔晒....就尼幾樣都已經夠激死我啦!!!係我唔好彩呀...定係個個老細都係咁既尼?? 真係..天下烏鴉一樣黑!!!

我同事已經頂佢地唔順啦....下個星期佢就會辭職架啦...到時我就慘啦!!!

黑口黑面!!!

winniechan1217 — Wed, 30 Aug 2006 17:13:52 +0800

好煩呀!!!

到底我又做錯左d乜野呀!!!

成日都黑口黑面對住我!!!

如果係因為我鬧某人而令你咁樣對我,

我真係覺得係你是非不分!!

既然你要發脾氣, 當我透明,

同樣我都會當你透明!

~好煩呀!!!~

winniechan1217 — Wed, 16 Aug 2006 10:56:47 +0800

由上個星期開始病...到左今日都仲未好返..

真係好辛苦呀!!

琴日又冇返工...所以0係屋企訓....真係好累....

點知我老細有d唔高興...

質問係我唔舒服定係個女唔舒服(係我同事話我知既)

聽完個心好唔舒服...因為好怕會"案件重演"...

點算好呀!!???

琴晚食飯..無啦啦有條魚骨卡住左0係喉嚨...

吞大啖飯...飲大啖水都唔掂....點算好呀!!???

伸手指入去"叩"喉..又嘔到七彩...好辛苦呀!!!!

經過左個幾鐘博鬥....終於拎左條"賤骨頭"出來...

原來條魚骨係插住0係喉嚨d肉到...唔係卡住...

所以整損左喉嚨...而家有d痛

真係黑到痺

~尼幾日過得麻麻地~

winniechan1217 — Wed, 09 Aug 2006 16:32:19 +0800

尼幾日對我來講..真係過得麻麻地!!
因為我既小寶貝---GiGi 仲未好返晒!!
佢由八個月果日..第一次睇醫生...
跟住個幾星期到又返發....又再睇左一次..
琴日岩岩又再睇....但到左今日..
好似仲係冇咩好轉咁...點解成日都好似未清得晒咁..
到底點樣先可以令GiGi好返晒呀!!!
GiGi...你要努力呀!!! 好d好返啦...
咁媽咪可以再帶你去街街!!
另外就係我自己啦...好似病病地咁...
又講唔出係咩唔舒服...總之就係好累啦!!
唉.....搞咩呀!!!

~捨不得~

winniechan1217 — Tue, 11 Jul 2006 19:52:12 +0800

最近我又發果個夢啦!
前排都發過幾次...
每次都係一樣!
個夢係咁既.........
有一日..行經個睇相既檔攤...
個睇相既女人..叫住我...同我講..
我得42歲命....聽完我好唔開心...
一路喊........................
醒左之後..我即刻計下...
如果係真既...即係剩返幾多年尼...
同gigi仲可以相處幾耐....
原來得返好少....好少......
如果係真既....我會好唔捨得.....
好多野...我都好唔捨得.......
雖然自我懂事到而家...
我覺得自己過既日子...
總括來講係唔開心多過開心...
但我都係寧願生活多幾年..
最起碼都睇住gigi有能力照顧自己先呀!!!
我好希望尼個夢唔會成真!!!!!!!!

~寫日記~

winniechan1217 — Mon, 03 Jul 2006 01:46:18 +0800

今日有位我冇預計佢會睇我日記既仁兄批評我...
佢話"你唔好以為我冇睇你網上寫既日記!
日記可以寫, 但你0係網上咁寫, 係人都知你d野,
就連同屋企人嘈既野都寫, 人地會點樣睇你屋企人呀?"
首先我想講係..我寫日記係要講一d我開心同唔開心既事...
我唔係淨係寫唔開心野架..開心既..我都有寫...
而且尼度係我自己表達開心同唔開心既地方,
我寫既都係事實, 我唔會扭曲來寫..
我唔係寫我岩晒架...我亦都冇講邊個錯...
更加冇需要別人來為評理...
純粹係抒發我內心既感覺....
而且我覺得寫完過左一段時間睇返...
如果係開心既..會回味一番...
如果係唔開心既...我又會覺得都過左去..
其實都係小事一樁, 只係俾自己小小既回憶
咁樣都有錯呀????
如果每次都要諗下尼d寫左出來..
人地睇到...會點諗...咁有咩意思...
寫得出來..就預左會俾人睇到...
就算係一本收得埋既日記簿又如果..
到有朝一日, 人地唔小心搵到埋一樣會睇到..
又或者到有一日我離開世上...
人地為我處理私人物件時...
埋一樣會睇到...其實結果埋係一樣!!!
況且...試問有邊位睇完之後..
真係會認認真真去思考我所寫既每一件事呀?
又試問有邊一個真係會企0係我立場,諗下我當時既感受呀?
如果真係有人對我所發生既事都咁上心既話..
我會萬分感激!!!!!

~探二家姐~

winniechan1217 — Thu, 29 Jun 2006 09:56:21 +0800

琴日我去浸會探二家姐,
我見到佢淨係訓左0係度..
電話又講唔到...
喉嚨個傷口仲滲緊血水...
我知佢一定係好累....
因為佢隻眼都唔係好想張開...
佢而家只可以進食流質既食物,
我喂佢食稀瘦肉粥, 食左半碗到..
佢已經唔想食..我諗係因為吞既時候傷口痛掛..
我見到佢咁樣..我覺得好唔開心!
仲有件令人感動既事就係..
媽咪同我講..琴日下午Ying Ying去左探佢媽咪,
佢一去到..見到佢媽咪訓左0係度...
佢即刻走埋去拖住佢...
兩行眼淚不停咁流...但無出聲...
真係令人感動, 一個四歲既小朋友友竟然咁懂事..
我聽返都感動到想喊..如果我係在場..一定喊左出來!