文章分類: 一般 (Winnie's World)

~唔想理~

winniechan1217 — Thu, 20 Jul 2006 09:38:47 +0800

有時覺得做人都幾難....

有D野...你睇唔過眼...去理左...但冇結果...

你會得好冇癮...仲可能會有反效果!

但你唔去理...別人看到...又會怪你唔去理...

但其實我理左架啦...只不過埋就係冇結果囉!!

試多十次八次都係咁既...咁埋算囉....心淡!!!

就好似我有個朋友..自從中七畢業之後...就成雙失...

咁我不停提佢要搵野做...結果搵左份文職...

當時人工仲高過我...我已經做左2年野啦...

聽佢描述..佢做既野..比起我做既野...好好多...

但都唔係辛苦...因為其實文職有幾辛苦呀!!

但佢試用期都未過..已縑辛苦...又尼樣唔好..果樣唔好!!

我以好朋友身份話過佢出來做野唔可以咁易放棄....

但結果...佢都係背住我辭左份工...

到錢使晒啦..又同我講想搵野做...

我介紹佢去我舊公司見工...

又嫌人工低...叫佢去見我果時做緊果間船公司..

佢見我日日OT到九點...星期六日又要返工...

佢都即刻"攦手兼擰頭"...咁埋算啦...

結果過左半年...佢識左個男朋友...

男朋友讀緊書....靠屋企人俾零用錢佢使..

點知佢竟然以為搵左個靠山咁...

即刻搬埋過去男朋友度住...仲要係冇工返...冇學返...

我又不停提醒佢搵野做...人要獨立些少..

點知佢聽下聽下...都冇咩興趣聽...

而我講下講下都冇咩興趣再講...

結果...大家就咁樣...由好朋友..變為冇聯絡!!

所以話...做人難..做好人仲難!!!

係啦...阿妹今日正式長返工....

祝你事事順利...

~老闆大晒咩??~

winniechan1217 — Mon, 10 Jul 2006 10:19:43 +0800

星期五果日...有個台灣華僑既美國客,

佢想叫我星期日拎兩大箱辦去酒店俾佢,

但撞岩尼個星期日我有事做同埋要湊個女,

所以我同個客講唔得, 不如星期六拎去酒店放低先,

佢都話佢問下酒店, 之後再電聯,

點知隔左一陣,我老闆打電話來叫我星期日幫佢拎過去.

我同佢講..唔得...我要湊女...

佢就好激動咁講..."我會補假俾你架嘛....

同埋個客一年都唔會有一次咁既情況...

個客對公司來講好重要, 你唔可以咁樣架!"

我聽完真係有d忟...再同佢講多一次...

"我真係要湊女...唔係補唔補假既問題,

平時我都可以架...撞岩尼個星期日真係唔得..."

跟住佢有少少嬲...叫我俾我同事聽.

後尾聽我同事講..原來叫我同事返...

咁我同事都應承左...

到星期六早上..知道原來係兩大箱....

我真係擔心我同事會攪唔掂,

於是提議不如星期六拎左過去先,

問左個客, 問埋酒店..兩邊都ok..

之後我同事同老闆講完...好彩佢都ok..

開頭我覺得有少少對我同事唔住...

後尾轉左尼個做法, 我個心先好過返咋...

如果唔係, 要佢星期日特登返來...

仲要拎去鬼死咁遠..我真係好唔好意思

不過我老闆開頭就有d過份...

講真...人地都講到有事唔我閒...

有咩好嬲呀!!! 況且幫你係人情..唔幫你係道理,

唔係下下話補錢補假就大晒先得架!!!!

不過講真..如果唔係我真係唔得閒...

其實我都覺得應該要幫既...因為出來作野唔可以計較既!!!

同埋責任感都好緊要既!!!

~真係激氣呀!!!~

winniechan1217 — Fri, 30 Jun 2006 10:20:33 +0800

琴晚成十二點先到返屋企,

我見GiGi同媽咪佢地都未訓..

咁埋傾左一陣啦..跟住一點到去沖涼...

點知沖沖下...d水慢左..

我以為有人0係廚房開緊水..

所以我冇理到..照樣擦洗頭水同沐浴露...

點知一想沖水...個水龍頭只係滴下滴下..

唔係掛..而家尼個時候冇水...

即刻叫救命....佢地開埋廚房..都冇水..

咁我埋叫左Kevin落去問管理員咩事..

另外媽咪埋將屋企要來飲既熱水同涷水溝埋一齊..

都仲少過GiGi平時沖涼既份量...

好慘呀...求求其其沖走d泡就算啦...

點知等我著好晒衫褲啦...個水喉有返水...

唔係掛...咁樣玩我....有諗過再沖都一次..

但又太累啦...就咁算啦....做一日"老泥妹"啦

真係激死...仲俾屋企人笑到面都黃...

原來係大廈個水泵跳左掣...

係我唔好彩..撞到正...

P.S. : 咁既遭遇..已經唔係第一次啦 :-(

~有少少唔開心:-(~

winniechan1217 — Wed, 21 Jun 2006 11:28:02 +0800

琴日我家姐佢地去左搵我個friend個老公剪頭髮, 我收左工就去Join佢地..
一去度..Receiption個女仔問我搵邊個..跟住就叫我上樓上..因為樓下好多人..
我見到我家姐佢地..跟住同口快快咁同個女仔講.."唔上啦...我d friend 0係度...!"
點知我家姐佢地即刻"寸"我..."Friend?唔識架!!"
咁我埋笑笑口話 "一時口快快添"
我覺我佢地都係講笑啫...跟住同佢地講野..佢地都冇咩反應..咁我都冇在意既..
點知隔左成半個鐘之後..到我選顏色, 因為我係打算染既....
咁我唔知染咩好啦..埋問佢地 "喂..你地覺得染咩色好呀?"
真係估唔到佢地會咁答 "你鍾意啦..我地Friend來之嘛..俾唔到意見喎!"
當時我第一個感覺係"難受同尷尬"..
因為我真係一心諗住問下你地啫...使唔使答得我咁"掘"呀!
另外就係人地聽到..會點諗尼 ? 所以我覺得尷尬!!
之後我好彩我個friend來到..我先冇感覺咁孤立!!
之後佢地整完晒..就走先..而當時我仲差修一修同吹頭.
後尾佢地打電話來問我同唔同佢地食飯...我話等我個friend..
結果就同左我個friend食飯..順便等埋我老公來接我.
返到屋企之後...大家都當冇事發生...佢可以..我都可以!!
點解我會唔開心..係因為我覺得自己永遠都係得不到佢地既重視..
同埋佢地永遠都唔會理我既感受...可能我平時表現得太冇所謂掛..
又或者事實我係不被尊重既一個啦! 算啦!!

~執返個樣^_^~

winniechan1217 — Tue, 20 Jun 2006 16:44:35 +0800

我覺得自己生完GiGi之後..
個肚腩大左好多..收極都收唔返..
仲有d雀斑多左好多..而且又深色左..
皮膚差左好多..本身已經唔係好架啦..
而家..個樣同個髲型都...唉...
好想變返以前咁呀!!!!
我已經開始做返facial啦...
今晚決定去攪攪D頭髲..
費事GiGi唔要我尼個醜樣媽咪^_^

~邊個係百厭星??~

winniechan1217 — Fri, 16 Jun 2006 11:11:28 +0800

大家姐帶左梅善殷返來啦...
除左返來果晚一齊食過飯外..
之後我都有野做冇返去食飯..
不過我朝朝去睇GiGi既時候..
就會見到梅善殷0係床度爬來爬去..
又勁大力踢野.."dom腳"...
我家姐係同佢訓..但已經係訓0係床出邊擋住佢..
但佢都可以跨過家姐跌落地下...
好在媽咪同家姐都身手敏捷咋...
如果唔係...個頭仔會起"樓"
相比起梅善殷..GiGi突然好似成舊飯飯咁..
因為佢太定啦..又唔係好扭計..
所以如果講百厭同活躍..
咁梗係梅善殷啦!!!
如果講大件..就我個女睇落大件d..
不過梅善殷D肉就實d..
我個女...人如其名呀 - " lam gi gi "

~真係唔知好笑定好嬲!!~

winniechan1217 — Thu, 15 Jun 2006 16:03:53 +0800

係咁既...琴晚我約左Carrie食飯..
咁我同佢去左九龍灣食飯..
到左九點幾..我諗住睇下我老公去左邊啦..
點知打電話俾佢..佢話睇緊波...
咁我埋問佢係埋同同事啦...
點知佢話唔係...係同女仔..
我突然唔知講咩好...
隔左陣..聽到BB既聲..
先知原來佢講既女仔係我地個女..
唉..真係俾佢又激死又笑死!!
唔知唔知..原來我好緊張佢...
原來我會唔想佢同女仔去街...
哈...我以前都唔會咁既...
成日都各自各架啦...
可能係因為有個女係唔同D掛!!

~世事難料~

winniechan1217 — Wed, 14 Jun 2006 11:26:20 +0800

尼個世界真係好細...
Emily..你真係好眼力..
咁都俾你認得出我個friend你都識既..
今朝仲相認埋..真攪笑!!!
另外..琴晚收到個朋友既來電..
聽講佢俾公司炒左..
原因係話佢同上司合作得唔好..
同埋每個月都請病假..話佢呃公司錢..
果間公司我都做過一個月..
真係頂唔順佢地既做野方式..
最討厭係佢地覺得OT到三更半夜係應該
大佬..人地都有屋企人,有朋友,要休息架..
日日咁OT..個人唔病至其啦..
仲有呀..咩叫合作得唔好呀..
如果真係唔好既..未過試用期都俾你炒左啦...
仲可以做到今時今日...
我覺得佢地真係好過份...全部都係藉口!!!
而家我朋友考慮緊告唔告佢!!

~GiGi好多手呀!!~

winniechan1217 — Tue, 13 Jun 2006 10:46:30 +0800

前幾日我同老公帶左GiGi去街街...
我地坐低食飯果時...
我老公抱住佢...
點知佢一隻手咁叉落碟飯度..
攪到一手都係...
琴晚我飲檸檬茶...佢又係咁..
係咁想拎...真係手多多...
最攪笑係我食蕉既時候...
佢又想食..就用隻手係咁撥...
咁埋俾佢"Lam"下啦...
點知佢不停係咁"Lam"..
我一拎開就大叫...
真係好攪笑!!!

~大家姐就返來啦~

winniechan1217 — Sun, 11 Jun 2006 15:25:20 +0800

仲有2日..大家姐就返來啦...
從未見過面既善殷(家姐個女)唔知會唔會好似YingYing佢地咁好玩尼?
聽聞佢都幾"百厭"..唔知同我個女比...邊個"百厭"D尼?
大家姐又會唔會好似以前咁"專制"尼?
其實我都幾擔心會唔會好似以前咁成日嘈...HAHA...
我曾經問過媽咪..佢笑住咁講 :
"你地兩個女都生埋啦,如果仲好似以前咁,我真係頂你地唔順"
HAHA...我聽完都覺得係..其實我覺得自己同佢都幾相似...
不論工作...做人...有時連同人相處咁...都幾似...
因為我地尼D..工作唔怕辛苦...要有成功感之餘仲希望得到別人認同.
做人方面就會成日企0係對方既立場去諗...有時寧願自己唔開心都唔敢出聲.
對人既要求就會略高..尤其係我越重視佢就越高..
因為我希望我重視既人可以得到別人既讚賞,
從中我會引以為榮...所以有時就會令人覺得好喘不過氣!
所以佢對我有要求...同樣我對佢又有要求...
當大家都未滿足大家既要求既時候...
咁就出事啦...以前每次嘈架...埋就係咁囉...
其實人都幾怪...而家可以分析得好似好有道理咁...
但如果真係"殺到埋身"就唔會互相忍讓...
如果每個人不論發生咩事都可以咁清醒..咁理智...
咁報紙就會少左好多令人覺得不應該發生既新聞啦..

~病左~

winniechan1217 — Thu, 08 Jun 2006 13:57:45 +0800

尼幾日病到死死下...
星期一返工...又咳..又多鼻水..
係感冒啦...結果星期二同星期三早上埋冇返工囉...
不過0係屋企休息都唔係好好過咋...
因為我媽咪囉...由星期日嬲到家下...
我真係估唔到咁都要嬲咁耐...
我都係日日食自己...真係冇晒"mood"
病都係自己煮公仔面食咋...唉......
晚晚返屋企都面阻阻...都唔知為乜...
如果唔係為左見個女多d...真係唔想返屋企!!!
更加唔會搬返去住...所謂相見好..同住難....尼句說話唔係只係婆媳之間用...
就算係屋企人都係咁話!!

~同媽咪嘈交~

winniechan1217 — Wed, 07 Jun 2006 13:44:31 +0800

星期日果朝..為左GiGi奶樽果D奶咀既問題...
同亞媽嘈左一陣...
因為我奶奶教我用牙籤"督"住個奶咀來烚,
咁個孔又可以大D..又唔會裂開..咁我埋試下囉...
但已經係新年果陣啦...
到左而家...隔左成四個月啦...
我亞媽先至來話我整到D奶咀爛晒...
唉...其實D奶咀本身就已經裂開左...
我覺得一係就係烚到裂開左...一係就係俾左細佬用...
細佬飲唔到奶....用牙咬爛左...但亞媽堅持冇俾細佬用..
咁埋當烚爛囉...佢又係都要屈我係我整爛...
OK...咁我埋買過晒D新既返來換晒佢囉...
結果就嬲到今日都未嬲完...
原因可能係因為"落唔到台"掛.....!

~GiGi你係得既~

winniechan1217 — Mon, 05 Jun 2006 12:18:18 +0800

星期六果日...Kevin背住 GiGi 玩緊電腦...
而我就訓左0係床度..扮訓較...!!
GiGi就好無聊咁坐0係我隔離...
佢0係度"喂,喂,喂"..又搣我...
我地都唔理佢...
突然佢好似叫 " BaBa"
好明顯...Kevin好開心...
而我就好妒忌...haha...因為我成日教佢講 "MaMa"
反而佢又唔識...真係呀!!!

~好難做~

winniechan1217 — Sat, 03 Jun 2006 10:56:33 +0800

琴日下午...4歲幾既Ying Ying , 2歲幾既細佬...
又返來婆婆屋企啦....
又時我都唔明到底係我同我老公既問題...定係佢地兩個真係令人頭痛!!
係咁既..差不多每個星期五...我家姐&姐夫就會將佢對仔女湊過來俾婆婆.
婆婆同公公當然唔會say no 啦...但我同我老公就好唔鍾意!!
係咁既...婆婆本身已經幫我湊緊GiGi...仲有成堆家務要做..仲要照顧埋佢地兩個..
跟本就係周身唔得閒!!!
另外就係佢地兩個都算細...大吵大鬧在所不免架啦...
佢地其實係會令人心情煩躁...再加上GiGi都會喊...真係成間屋嘈到拆天!!!
如果站0係我地既立場諗下...每個星期一至六已經要早起身返工...
唯一希望禮拜日訓晏d...佢地就晨早8點幾起身大笑大叫大喊...
天呀...我地唔使訓啦!!!!我老公仲會俾說話我聽....你叫我可以點呀!!
醜人又做過啦...叫亞媽唔好俾佢地0係度過夜...亞媽又話係家姐要佢地留0係度...
我去同家姐講...家姐又話係亞媽掛住佢地兩個....叫佢地留0係度!!!
唉...扯貓尾...佢地有工人湊...就算佢地唔得閒..埋叫工人睇住囉...
家姐...你要理你老公既感受...怕你老公俾說話你聽...
咁我尼??? 我埋一樣要...!!! 有冇人可以理下我地既感受呀!!!!??
我大家姐就來由加拿大返來啦...佢仲會湊埋個女返來....
佢個女大我個女三個禮拜, 唔知兩個會唔會打架尼?^_^
到時婆婆唔知攪唔攪得掂兩個"百厭妹"尼!!!???
唔知到時家姐佢地仲會唔會湊佢對仔女過來鬥嘈尼??
如果唔係我地而家...有口難言...進退兩難...
我都唔使咁煩啦...大不了..我地搬返走...
唉....又係果句啦...行錯一步咋....!!!

~個人輕鬆左唔少~

winniechan1217 — Fri, 02 Jun 2006 10:28:38 +0800

纏繞左我同我老公足足三個幾月既煩惱...
0係5月尾終於解決左...
佢同我都輕鬆左唔少!!!
雖然未知結果係會點樣,
但對我地來講..尼個亦算係一個教訓..
我知道凡事都要諗清楚...唔可以"是但"
仲記得果日...我地個心十五十六既時候...
大家一句"是但"..咁就煩左咁耐啦!!!
岩岩過左既禮拜六日去左澳門...
阿姨佢地搬新屋...幾千尺...好大呀!!!
間屋既前半部係廚房飯廳和客廳,工人房..
而後半部是四間睡房連一個客廁...
其中有兩間是套房...就連工人房亦係套房..
真豪華...而位置就正正0係英皇酒店對面..
假設層樓係0係香港...我相信一定以千萬計...
其實佢地本身已經有一層千幾尺架啦...
又係有四間睡房...仲有一間書房...
其實都已經唔錯架啦...
如今簡直係...錦上添花 !!
返返來我自己...而家份工又穩定左啦..
所以就開始學返車..
上年五月到學過兩堂...
又係因為GiGi囉...被迫擱置下來..
琴晚再學...架車既操作..好多野都唔記得晒...
要溫返之前教左既野...又要學新野...
結果就一次過"上斜,落斜,斜路停車開車,泊位,掉頭"..
一次過學晒...嘩...只不過係2個鐘咋...已經腳抽筋!!!
真係趕到死!!!!