雖然老闆同老闆娘係慳家同囉嗦,

但初初都仲可以接受, 因為可能我岩岩先入職,

對佢地既了解仲未夠深入, 同埋佢地都未做得太過份!

但最近...老闆娘常常做出令我同我同事覺得反感既事!

1) 佢地兩公婆成日為公司既野意見不合而嘈交...我同我同事做員工既...應該聽邊個講好呀??

2) 明明老闆講好左報幾$俾個客, 轉個頭老闆娘又怪責我地報得平!大佬呀...關我咩事呀!!

3) 明明自己講左返工唔好過9:30...點知佢自己唔知幾點返去裝我地遲到...我岩岩9:30返到..佢都要"哦"...而我同事就遲左5分鐘...佢就"哦"足十幾分鐘...就算人唔到..都打電話check我地...係埋真係要做到咁樣呀..!!??

4) 公司文具嚴重短缺, 就以最平既一樣野 - 萬字夾, 佢都唔肯買...佢答我地要來做咩, 我同事話夾文件俾客囉...佢話用釘書機唔得咩...真係俾佢吹漲...有咩話唔得呀...只係冇咁好囉..!! 一盒萬字夾要幾$呀?? 就算我地平時要筆...都要拎"屍骸"去同佢換一枝新既...真係頂佢唔順..我自己買好過..使幾$呀!!!!

5) 成日以小人之心度人...就算係我地..佢都方死我地會偷佢野咁...好似公司有個卡reader..次次用完都要pack返好落個盒...我覺得好晒時間..所以我就咁插住0係我部電腦就算..點知原來佢每隔幾日就會check下公司d野有冇唔見...當佢發現左個盒入邊冇左個卡reader..就好緊張咁問...個卡reader唔見左既....喂...大佬呀..個卡reader要幾$呀...唔好成日以為我地打工仔乜都買唔起先得架!!!!

6) 一時同我講...而家打返大陸IDD好平...叫我有需要就打...點知而家又話...電話費幾貴你地知唔知呀...所以最好用MSN(語音通話) OR SKYPE(語音通話)...唉...如非必要..我都唔想打IDD啦...使唔使咁呀!!

佢地既野..我真係講都講唔晒....就尼幾樣都已經夠激死我啦!!!係我唔好彩呀...定係個個老細都係咁既尼?? 真係..天下烏鴉一樣黑!!!

我同事已經頂佢地唔順啦....下個星期佢就會辭職架啦...到時我就慘啦!!!

加上大家姐之前唔0係香港,爸爸媽媽都冇咩興致,

講親都話"哎呀..唔使啦..湊住幾個細既...陀手"lung"腳,

要去你地自己去..我0係屋企自己煮!" 咁結果埋齊齊0係屋企食囉!!!

而且我本人就冇咩號召力, 所以有人搞埋參與囉!!

而琴日就一齊去尖沙咀食lunch buffet, 都幾開心...

係個天氣同空氣差左少少..搞到個人好累..好想訓覺...

再加上我琴日好早起身去學車..所以累到不得了!!

返到屋企..已經成六點幾..細既累到全部訓晒!...

媽咪就去左買d菜返來..大家姐就煮d面出來食..

原本打算舒舒服服食碗面..點知..媽媽一路食..一路喂YingYing & 細佬...

兩個細路都唔聽話...尤其係細佬...成日含住啖面0係口..又唔吞落去...

激到婆婆又大聲鬧..真係勞氣到極點...而細佬..一時又大叫..一時又喊..

真係嘈到不得了!! 如果佢地乖乖地...唔好要婆婆咁激氣..就好啦!! 

其實有時我覺得..婆婆年紀都開始大啦...應該係湊D個孫返來俾佢玩..

開開心心..而唔應該要佢為左喂個孫一日三餐而勞氣!!

所以而家我每日放工都盡量返屋企湊GiGi..因為我覺得婆婆太辛苦啦!!

湊仔女係我地做父母既責任..日頭要返工..就話無辦法!!

將來我有能力既時候..我都會盡量自己湊...又或者請個工人幫手...

因為日頭要返工...寧願等自己放假先湊個孫返去探婆婆!! 我明白係會好辛苦...

但大把人都係咁啦...而且我地尚算後生..辛苦得起...況且仔女係我地自己決定要生既..

咁就要自己諗掂佢架啦!! 將來有一日我都要面對尼個問題...所以我一定要早d諗定方法!!

唔可以淨係指意婆婆...婆婆邊有咁多quota可以咁樣勞氣呀!!